USG

Ada paman (pa' mantri to...) satu yang pacaran deng perem SMA. Pas hari jumat siang pulang kerja tempo, jadi paman ko apel ka ini di perem pu rumah… Pas perem ada duduk potong-potong sayur, dong dua cerita rame eee...
Paman : Ade, ko tau di dunia nih kaka cuma sayang ko saja…
Perem : Ae... stop sudah…
Paman : Beh, ade… kaka tra tipu…
Perem : Iyo, nanti balik ke rumah sakit, ktemu suster satu bilang begitu juga..
Paman : Siooo… ade kaka tra tipu…
Perem : Ae sa tra percaya…
Paman : Ade… klo ko tra percaya, ko blah kaka pu dada sudah… ko liat… cuma ko pu nama saja yang ada di situ…
(pas perem ko ada pegang pisau mo iris bawang begini perem ko tekan pisau di bawang sungguh-sungguh sampe kena di papan iris ka ini)
Perem : Ah, kaka… betul ka??? (sambil pegang pisau)
Paman : Ah, ade… lebih baik USG saja sudah… supaya ko liat ko pu nama yang kaka pilox di hati…