Ibu Guru

Jadi ini di dalam kelas ibu guru ada mengajar. Ada anak satu yang duduk di bagian depan de pu nama Maikel. Trus ibu guru lagi jelaskan pelajaran begini anak laki-laki dua di belakang nih, donk dua tinggal main trus. Karena terlalu ribut langsung ibu guru bilang : "Siapa yang tadi ribut??!!!". Donk dua tramau mengaku, bikin ibu guru ganas skali langsung ibu guru tendang kaki meja... tapi ibu ko salah bukan tendang kaki meja tapi ibu tendang Maikel pu tulang kering, baru pas ada luka pusaka di situ lagi. Maikel macam mo gila sudah... Ibu guru bujuk dia diam tapi de tramau diam. Langsung ibu guru bilang sama murid-murid : "Sapa yang tadi ribut cepat mengaku sudah!!!???". Langsung anak dua yang tadi ribut mengaku ka ini... Ibu guru langsung ilang Maikel begini : "Karena dong dua ibu salah tendang ko pu kaki jadi terserahko mo kase hukuman apa buat dong dua...". Maikel ko jawab : "Sa cuma minta dong dua baku makan bibir di depan...".