Umur Brapa Ka?

Ada pace satu nih de umur 40, pas de pu ulang tahun ke-41, de pi operasi kulit too jadi de kelihatan muda. Jadi de ini mo test to de su keliatan muda ka trada. De masuk Saga terus de tanya mba yang jaga...
Pace : Mba... sa pu umur berapa klo ko bisa tebak?
Mba : 25 tahun
Pace ko senang eee (rasa muda ka itu). Pas de pi ke McD di Saga, de tanya mba yang jaga situ.
Pace : Mba... sa pu umur berapa klo ko bisa tebak?
Mba McD : 21 tahun
Pace : Ae mba ko salah sa pu umur 41 tahun...
Sekarang pas di lingkaran Abe, de tanya ade nona satu.
Pace : Ade kaka ni pu umur berapa ka?
Cuman ade ni de pake kaca mata tebal karna mata rabun jadi de
Ade Nona : Sa tra bisa liat baik tapi ada cara sa bisa tebak ko pu umur kaka. cukup ko sa tampar ko di pipi, sa bisa tebak ko pu umur berapa...
Pace : Iyo ade ko tampar sudah...
Ade nih de tampar pace sampe hampir pace de lupa de pu nama... Terus ade de bilang...
Ade Nona : Ko pu umur 41
Pace de kaget eee... langsung pace de tanya ade nih
Pace : Bah ade ko bisa tahu dari mana?
Ade Nona : Sa ni yang antre di belakang kaka ko pas ko tanya mba di McD Saga...