Yang Su Kotor Tra Boleh Diambil Lagi

Ada anak kecil satu de jalan deng de pu nene. Waktu itu de lagi makan pisang goreng sambil jalan. Kaget begini de pu pisang goreng itu jatuh. Trus pas de mo ambil, de pu nene larang
Nene : Eh... barang yang su kotor jangan diambil lagi...
Anak nih langsung ganas de pu nene skali... Habis itu de lanjutkan lagi jalan deng de pu nene. Jalan terus begini ada got jadi harus lompat buat menyebrang. Karna nene su tua jadi mata su tra baek buat liat got itu... Kaget begini nene lompat baru masuk dalam got, trus nene panggil de pu cucu...
Nene : Cucu... cepat ko angkat saya
Cucu : Ah tidak... sa tra mau!
Nene : Bah kenapa ko tra mau tolong saya??
Cucu : Ae Nene... yang su kotor tra boleh diambil lagi...
Nene : !!!????