Suatu malam, mace dan pace ada tidur nyenyak. Kira-kira jam 2 tengah malam, ada suara orang minta tolong di jalan depan dong pu halaman rumah. "Toloongg... tolong dorong kah??"
Mace ko dengar, trus kase bangun pace...
Mace : Bapa... ada yang pu mobil mogok depan rumah tuh, pergi tolong dia dulu...
Pace : Ah, biar sudah, sa mengantuk skali nih...
Dong dua tidur lagi, tra lama muncul suara yang sama... "toloongg... tolong dorong kah?"
Mace :Bapa... bangun sudah, kasihan tuh, coba kalo kitong yang alami, tengah malam, mobil mogok... bapa pi bantu orang itu sudah...
Deng terpaksa sambil mengantuk, pace bangun dan keluar rumah. Tapi lihat ke jalan sepi, trada orang. Pace lihat ke halaman, ada anak muda satu yang kelihatan su mabuk berat lagi duduk di atas ayunan.
Pace : Ko yang minta tolong tadi kah?”
Anak Mabuk : Iyo itu sa...
Pace : Mana ko pu mobil? Mogok ka?
Anak Mabuk : Sa trada mobil, sa cuma mo minta tolong Om dorong ayunan ini ka...
Pace : !@#$%@^@$^
0 Comments:
Post a Comment