Ada anak dua, dong teman akrab baru dong satu klas di klas satu. Yang satu de paling pintar di klas... klo yang satu lagi tuh de paling nakal sudah... Skarang dong pelajaran geografi jadi pak guru tanya ke anak yang pintar...
PaK Guru : Kalo bulan desember tuh di eropa deng amerika musim apa?
Anak Pintar : musim salju, karna biasa natal tuh di sana tuh salju turun-turun baru senterklas de datang bawa hadiah...
Pak Guru : Mantap... ko pintar...!!
Trus pak guru tanya ke anak yang nakal...
Pak Guru : Kalo tong di sini skarang musim apa???
Anak Nakal : Pak Guru... tong di sini skarang ada 2 musim skaligus... musim layang-layang deng musim kelereng...
0 Comments:
Post a Comment