Lupa Tiket

Ada pace satu ni de pu profesi jadi preman di Jawa. Pokoknya orang-orang dong paling takut pace dia eee... Badan bokar, tato naga... singa... macam semua gambar menakutkan melekat di de pu badan... Tapi yang paling parah nih pace de kapala lupa... Jadi satu kali pace ko mau coba naik kereta.... Pace ko pengaruh udik tapi de malu jadi pace ko slak bikin diri inti.
Sekarang ni ada mau pemeriksaan tiket... pace ni de sibuk cari de pu tiket tadi. Pas giliran pace nih... Masinis ko pengaruh takut lihat pace pu muka sangar jadi masinis ko takut tagih pace pu tiket. Masinis ko bikin kapal kayu ka.....tapi masinis de bingung... Pace ni masih sibuk sendiri... Masinis ko meluncur ke pace dia, trus de tanya.
Masinis : Maaf pak, ada yg bisa saya bantu???
Pace : Ah mas, sa ni lagi cari sa pu tiket...
Masinis : Ah pak, ga usah pake tiket, bapak kan terkenal disini...
Pace ko emosi... trus de batariak ke masinis...
Pace : Iyo sa tau... tapi bukan itu masalahnya, sa pu tiket hilang....
Masinis ko tambah bingung, trus bilang pace dia...
Masinis : Santai saja, tidak usah pake tiket...
Pace ko tambah emosi trus berdiri depan masinis baru bilang....
Pace : Sa tau, masalahnya sa tra tau sa pu tujuan...
Ternyata pace ko tra tau de pu tujuan gara-gara de tukang lupa jadi... Baru di tiket kereta tu ada pace ko pu tempat tujuan...