Rumah Sakit Dimana?

Ada pace satu de pu nama Tinus, de ada jalan-jalan sore ka ini. Trus de ketemu sama pace satu lagi nama Obet.
Obet : Pace ko tau Hotel Anggrek kah?
Tinus : Ko ikut jalan ini saja, baru sampe diujung jalan sana itu su ketemu hotel itu..
Obet : (mengangguk macam su mengerti) Oh...
Pas Tinus ko su mo jalan lagi begini Obet de tanya lagi
Obet : Baru kalo pasar dimana eee?
Tinus : Ko lewat jalan disamping ini trus nanti baru belok kanan...
Abis itu Tinus ko su mo lanjut jalan tapi Obet ko tanya lagi...
Obet : Kalo rumah sakit dimana?
Tinus : (su ganas skali) Ko berdiri di garis putih hitam ini, trus tunggu mobil tabrak ko, itu baru ko tau rumah sakit ada dimana...