Didimus Sakit

Ada anak satu tooo... klas 1 SD de pu nama Didimus... Satu hari begini de sakit, jadi trabisa pi sekolah... Tapi de takut karena bu guru jahat jadi de bilang de pu bapa tolong tulis surat keterangan kalo de sakit... ”Bapa.. Tulis surat dulu sama bu guru kase tau kalo sa sakit...” Trus de pu bapa jaab : ”Adoh anak sejak kapan ko liat bapa tulis surat jadi..?? Bapa tratau tulis surat... Bapa hanya bisa tulis puisi waktu pacaran deng kopu mama saja”. Trus Didimus de bilang : ”Sudah trapapa mo puisi ka yang penting bu guru de tau kalo sa sakit...” Sudah pace ko mulai tulis surat sakit begini...
Dear… Bu Guru
Di Suatu Pagi Yang Indah...
Di Antara Bunga-Bunga Yang Bermekaran...
Tampak Satu Yang Layu...
Dialah Didimus...