Gaul

Ada tete satu de nih kepala acara sampe... Satu malam pas malam minggu ada acara di kompleks sebelah (dong bilang jalur tengah). Tete mo pergi acara tapi nene tinggal jaga tete trus... Jadi tete tra dapat jalan keluar untuk pergi acara, trus tete masuk ke kamar pura-pura tidur sambil perhatikan nene dia. Tra lama tete pura-pura bergerak nene juga ikut bergerak tete tidur sampe jam 1 malam tete pu kaki su gatal untuk pergi goyang ka ini. Tete pura-pura bergerak nene su tau tapi nene pura-pura tra tau dan alasan mangarong dan tete su tau pasti bahwa nene su sono dengan tete keluar pegang handuk langsung masuk ke kamar mandi untuk mandi pas selesai mandi tete ambil baju dari kamar baru pake di ruang tamu supaya tidak ketahuan dari nene dia. Tete su rapi su pake sepatu kanan tinggal mau pake sepatu kiri nene kasih kaget tete dia...
Nene : Woiii anak muda (gaya muda jadi nene panggil anak muda) su rapi tengah tengah malam ini mau kemana ka...?
Tete kaget tra bae punya langsung tete bilang...
Tete : Adoohhh sa kira sa mimpi...