Yosep Dan Yakop

Yosep de nih pelihara burung yakop di depan rumah... Tiba-tiba ada penjual baju satu lewat di depan rumah Yosep pu rumah. Trus Yosep de bilang:
Yosep : Yakop ko bilang "tra laku... tra laku..."
Yakop : Tra laku... tra laku...
Booo... Yosep de tertawa senang skali, kaget begini ada penjual kue lewat...
Yosep : Yakop ko bilang "tra enak... tra enak..."
Yakop : Tra enak... tra enak...
Yosep de tertawa lagi, tiba-tiba tentara satu kompi ada lari-lari sore lewat depan Yosep pu rumah...
Yosep : Yakop ko bilang "tra jago... tra jago..."
Lansung Yakop de balik menghadap Yosep baru bilang...
Yakop : Ae... Yosep ko yang bilang dulu boleh...