Perem Ka?

Ada pace satu de baru kenalan deng perem satu pas malam minggu... Sekarang perem nih de ajak pace main ke de pu rumah. Trus pace ko pergi ke perem pu rumah sudah mo... Pas su sampe di sana, perem ko bilang sayang ko duduk dulu eeeeeee... (baru kenalan jadi dong dua masih malu-malu ka ini). Waktu perem de ke dapur untuk bikin minum, pace ko lihat ke dinding begini ada foto laki-laki ukuran besar gantung di ruang tamu. Jadi waktu cewe de kembali dari dapur, pace ko langsung tanya...
Pace : Itu ko pu paitua ka?
Perem : Ah... bukan... !!! sa masih sendiri mo... belum kawin...
Pace : Atau itu ko pu pacar ka??
Perem : Ae... bukan... sa belum pernah ada pacar kecuali ko...
Pace : Baru itu ko pu kaka laki-laki ka?
Perem : Bukan juga...
Pace: Bah... baru itu sapa pu foto ka?
Perem : (malu-malu) Itu... itu... foto waktu sa blum operasi...
Pace :?@#@#@#$4