Mandi

Ada pace satu, de masuk ke dalam orang pu rumah trus de mo pi pencuri ikan di kolam ikan di bagian blakang rumah itu. Jadi pace ko bawa umpan mulai dari cacing sampe yang lain-lain. Pace ko ada asik pancing tapi de kaget karna yang pu kolam ada datang jadi pace ko bikin lompat ke dalam kolam, de pu maksud mo molo supaya pace yang pu kolam tra lihat dia. Tapi pace ko salah perhitungan karna kolam tra dalam jadi pace ko kelihatan. Pace ko bikin tahan napas dalam air lama skali, de kira mungkin pace yang punya su jalan ka, padahal trada yang pu kolam berdiri trus sambil lihat dia trus. Pace ko su habis napas dalam air jadi pace ko bikin bangkit dari dalam air, tapi de kaget karna yang pu kolam ada bediri liat dia baru langsung tanya dia. Tapi pace ko malas tau trus bikin telinga tuli tra mo dengar ka ini
Pace1 : Pace ko bikin apa dalam kolam itu.???
Pace2 : .....
Pace1 : Ko jawab dulu... ko bikin apa dalam kolam itu dan sapa yang suruh ko masuk ke dalam sini???
Pace2 : …..
Pace1 : Bah...!!!!! woi... ko tuli ka...????? sapa yang suruh ko masuk ke dalam sini??!!!
Pace yang dalam kolam su ganas karna dapat tanya trus, akhirnya de langsung balas pace yang kolam pu pertanyaan...
Pace1 : Pace ko buat apa dalam kolam situ???!!! ko mo pencuri ikan to!!!!
Pace2 : Ko gila ka??? ko tra lihat sa ada kasih mandi cacing ini!!!!