Mancing

Ini Acang deng de pu tete dong pi mincing. Tete putar-putar nelon mo lempar ke laut, tapi Acang ko sengaja injak nelon jadi nelon de lari balik ke tete pu testa. Sudah tete ko kopeng timah sudah mo... tete marah jadi de angkat panggayung baru de bilang buat Acang ”Ko bikin satu kali lagi, tete bikin ko jadi umpan buat ikan paus!!!”. Sudah tete mulai putar-putar nelon lagi, tapi tete pu mata spai liat Acang dia ada injak nelon lagi ka trada. Acang ini nakal jadi de pi injak nelon lagi, tapi karna tete su spai dia jadi pas nelon lari kembali tete ko cepat-cepat sei ke kiri jadi timah buat pemberat de lari trus kena Acang pu testa. Sudah tete ko bongkar ketawa bokar-bokar sudah mo... baru de bilang ”Trada anak kecil baru mo malawan orang tua trus!!!”. tapi pas tete de bale muka tra liat klo mata kail ada ikut meluncur dan langsung tagait di tete pu mulut. Acang ko tahan-tahan testa baru batariak ”Horeeeeeeeeeee hari ini sa dapat ikan kaki dua!!!!!”