Bendera

Ada pace satu de dari kampung baru datang di kota jadi satu kali begini pace karna malas tinggal di rumah, pace ko jalan-jalan sore ka ini. Tapi waktu pace lewat depan pos polisi, ada polisi dua kase turun bendera. Pace kaget langsung masuk dalam pos polisi baru pace pukul polisi dua itu sampe talipat-lipat. Trus besoknya polisi dong tangkap pace dia baru dong bawa ke Polres. Sampe di Polres pace ko dapat tanya....
Kapolres : Pace, kenapa ko bisa masuk dalam pos polisi baru ko pukul sa pu anak buah sampe dong dua pica-pica begini?
Pace : Abis dong dua kasi turun bendera, kan di lagu nasional dong menyanyi “Siapa berani menurunkan engkau serentak rakyatmu membela...” jadi makanya sa masuk pukul dong dua...
Kapolres : Memang betul... tapi itukan cuma lagu saja... dan di pos polisi kitong kase naik bendera jam 6 pagi trus kase turun jam 6 sore...
Pace : Kalo begitu kam ganti lagu lirik too... kam ganti begini ”Jam 6 kase naik jam 6 kase turun“