Tsunami

Ini ada cerita tentang tsunami yang hantam satu kabupaten... Trus ada pace satu nih de jalan-jalan ke pante, de dengar orang dong bicara tsunami. Pace ko dengar langsung pace ko jadi takut jadi pace balik kanan trus lari menuju rumah. Sampe di rumah pace langsung bawa de pu tas trus de isi de pu pakian-pakian saja, pace keluar dari kamar, de liat de pu maitua deng anak-anak ada tidur... Trus de jalan lewat anak-anak sama de pun maitua plan-plan. Begini de tra sengaja injak de maitua pu kaki.
Mace : Bah bapa ko mo kemana?? masa ko tega kase tinggal sa deng anak-anak kah...???
Pace : Ko bangun cepat, ada tsunami jadi kitong dua lari sudah...
Mace : Bah bapa ko tra ingat anak-anak ini ka?
Pace : Sudah... cinta ko tinggal pilih saja... mana yang bagus... ko bawah, trus yang jelek... ko kase tinggal saja...