Kelapa Tua

Ada mace satu baru datang dari kampung mo jual kelapa tua di pasar. Tiba di pasar, mace ko langsung cari lokasi jualan dan mulai duduk atur-atur kelapa. Tra lama begini datang pedagang satu dan mulai tawar kelapa yang mace ada atur-atur. Pedagang nih de mo borong baru jual lagi….
Pedagang : Mama… kelapa satu buah brapa kah?
Mace : Anak.. satu buah dua ribu…
Pedagang : Aeee… mama… masa kelapa kecil-kecil baru mahal sampeeee…
Mace : (mace ko langsung emosi ka ini) Ko bilang apa tadi?? kelapa ini kecil?! kalo kecil coba ko telan… ko telan... ko telan satu buah nih… cepattttttt!!!