Matahari

Ada dua anak dong pulang skolah. Siang itu panas terik skali, sampe dong tra tahan panas jadi mampir di halte.
Anak1 : Kawan! tiap hari panas terik eee!! Mungkin skarang musim kemarau kah?
Anak2 : Iyo nih! panas skali, sa sampe tra tahan kalo pulang skolah panas bokar begini terus...
Kebetulan di halte tuh, ada pace mabuk satu yang tidur. Tapi karna dong dua bicara-bicara jadi pace ko dengar baru bangun. Pace ko buka mata sedikit trus buang suara...
Pace : Ade… tiap hari panas terik nih, kam dua so dengar de pu brita kah?? matahari kan lagi buka cabang di mana-mana toooo!! (trus pace lanjut tidur lagi)
Anak1-2 : Ah kaka... ko bicara sembarang saja... ko mimpi ka apa...