HIV/AIDS

Satu kali begini bupati sama de pu rombongan pergi penyuluhan HIV/AIDS di kampung satu. Begini ada pace satu yang datang terlambat. Pembicara su kase materi selesai baru pace ko datang jadi pace ko tratau apa-apa. Pace ko cuma dengar istilah HIV/AIDS saja tapi tratau de pu arti. Pas dong buka sesi tanya jawab begini pace ko tanya...
Moderator : Ok, bapa-bapa dan ibu-ibu... mungkin ada yang mo tanya ka...?
Pace : Adaaaa!!!!
Moderator : Ya, silahkan... bapa yang di belakang...
Pace : Ah, trada ade... sa cuma mo bilang, sebaiknya program yang nama HIV/AIDS ini... bapa bupati dorang jalan bagi-bagi langsung ke rumah-rumah sudah... tra usah lewat RT/RW lagi... abis bantuan-bantuan yang kmarin tuh dong potong-potong sampe tong tra dapat baik-baik...
Moderator : ???!!!!