Keluarga

Ada pace satu nih de ada jalan-jalan begni de liat orang-orang dong kumpul rame eee... di pinggir jalan, jadi pace ko penasaran... Trus pace ko tanya di anak kecil satu.
Pace : Ade ada apa ka???
Anak Kecil : Ada tabarakan kaka
Pace : Sapa yang dapa tabrak ka?
Anak Kecil : Sa juga tratau kaka...
Pace ko tambah penasaran jadi pace menuju ke kerumunan tapi macam stengah mati buat liat korban, abis orang fol skali... Tiba-tiba pace ko batariak... ”Permisi... permisi... keluarga korbannnn!!!”. Orang-orang dong langsung buka jalan. Pace pas liat kesana begini... babi satu ada tatidur baru badarah-darah...