Kaka Bos

Ada anak kecil satu baru datang dari kampung, de nih bawa burung yakob tiga. De maksud mo jual di kota ka ini...
Pace : Anak... burung yakob yang ini brapa ka?
Anak : Seratus ribu bapa...
Pace : Bah mahal skali... yakob nih de bisa bicara apa jadi...???
Anak : Seperti biasa to... yakob lapar...
Pace : Oh... klo yang ini?
Anak : Dua ratus ribu...
Pace : Bah kenapa dua ratus ribu?
Anak : Oh... yakob yang ini de bisa trima telpon bapa...
Pace : Be.. mantap skali... Trus kalo yang itu...? (pace de tunjuk yakob yang su tua ee tralaku lagi de pu model...)
Anak : Kalo yang itu de pu harga lima ratus ribu
Pace : Beh... anak... yakob nih tra baik baru... masa du pu harga lebih mahal tuh?
Anak : Bo... bapa, biar de tra baik tapi... yakob yang dua tadi tuh, tiap hari panggil de... kaka boss...
Pace : ???!!!