Kecap

Ada anak kecil satu de baru masuk sekolah. Pas begini de pu ibu guru bilang ”Nanti kalo pulang sekolah bilang bapa ajar membaca eee...” Pas de sampe di rumah de bilang ”Bapa tadi ibu guru bilang bapa ko ajar sa membaca...” Langsung de pu bapa bilang : ”Iyo ko makan dulu, habis makan baru bapa ajar ko membaca”. Sudah begini de sudah habis makan, jadi di meja makan tu ada kecap ABC. Langsung de bapa mulai ambil botol kecap ABC. De bapa tunjuk huruf baru de ikut...
Bapa : Ini apa...?
Anak : A..
Bapa : Ini apa...?
Anak : B…
Bapa : Tru ini apa...?
Anak : C...
Bapa : Kalo dibaca jadi...?
Anak : Kecap!!!