AIDS ka Kanker?

Joni nih de dapat vonis dari dokter kena penyakit kanker baru su stadium 4... Jadi de pu waktu hidup tinggal beberapa hari saja. Akhirnya Joni de putuskan untuk bikin acara perpisahan besar-besaran sebelum de mati. Begini pas acara Joni de berdiri trus de minta waktu sama de pu teman-teman dan tamu undangan semuanya, de bilang : ”Selamat malam teman-teman dan undangan yang sudah mo datang. Sa sengaja undang kam smua datang ke sa pu rumah karena tra lama lagi sa akan pergi kas tinggal kam semua untuk slama-lamanya”. Joni de diam sebentar tru de lanjut : "Karena sa su kena AIDS... 3 tahun terakhir ini”. Joni nih de pu anak bingung, abis prasaan de pu bapa tuh sakit kanker, baru knapa de bilang AIDS? Langsung anak kecil ko tanya sama de pu bapa : ”Bapa, kenapa bapa ko tipu dorang? Bapa ko sakit kanker baru... Kenapa bilang kena AIDS?”. Trus Joni de jawab : ”Sssttt... ko bicara jang keras2!!! Bapa tra mau nanti klo bapa mati, salah satu dari dorang ini kawin sama ko pu mama yang cantik"