Ada tete satu de datang ke kota, tapi su lama dikota de punya anak tra mau ajak de jalan-jalan padahal de ingin sekali jalan-jalan di kota. Begini satu hari de protes, "Pokoknya kalau kam tra mau ajak sa jalan-jalan sa mau pulang kampung saja."
Sudah de punya cucu yang ajak de jalan-jalan ke kota tapi dengan perjanjian tete tra boleh bikin malu dan kalo liat barang yang su jatuh tra boleh diambil... Tete setuju, trus dong dua jalan sampe di kota de punya cucu liat uang sepuluh ribu jatuh... Trus de korek de pu tete...
Cucu : Tete... ada uang sepuluh ribu jatuh tong ambil ka...
Tete : Ko su lupa dengan tong dua pu perjanjian ka?
Cucu : Adoh iyo tete sa lupa berarti sekarang tong dua jalan sudah kas tinggal uang itu sudah
Tra lama tete yang gantian liat uang seratus ribu jatuh trus tete bilang sama de pu cucu...
Tete : Cucu... ada uang seratus ribu jatuh lumayan buat tong pake beli bakso...
Cucu : Ba... tete ko tra ingat perjanjian ka...
Tete : Yo... tra papa sudah sekarang tong dua lanjut jalan...
Tapi dalam perjalanan tete ingat seratus ribu tuh sampe de tra sadar de masuk dalam got... trus tete batariak sudah mo...
Tete : Cucu... ko tolong tete dulu tete ada jatuh di got... tempo ko angkat tete dulu...
Cucu : Jiii... tete ko tra ingat perjanjian ka... Apa yang su jatuh tra bole diambil lagi to...
Tete : !!!????
0 Comments:
Post a Comment