Cerita Mob on Twitter

Cerita Mob sekarang ada di twitter @CeritaMob silahkan di follow buat yang mo sakit poro ^_^ Tapi kalo sakit berlanjut jangan hubungi dokter, kase tau teman-teman yang lain biar dong juga sakit poro. Klik gambar dibawah buat menuju ke twitter #CeritaMob

Lanjut Trus

Bahasa Inggris

Anak satu nih de pi kuliah di Jawa, tapi de tra kuliah betul-betul baru tinggal main saja. Satu kali pas natal de pulang kampung. Boh de pu bapa smangat skali, anak mo pulang jadi... De pu bapa pikir begini... ”adoh sa pu anak nih kuliah di Jawa pasti de su lincah bahasa inggris ka pa?”. Jadi malam begini pace de tanya de pu anak
Pace : Anak kalo bahasa inggrisnya mama tuh apa ka???
Anak : Mother
Pace : Kalo bapa???
Anak : Oh kalo bapa tuh father
Pace : "Be anak ko pintar skali, cuma ko sajaaa!!! trusss kalo bahasa inggrisnya tete tu apa???"
Anak : Herder... Lanjut Trus

Mahasiswa Pamalas

Ada mahasiswa pamalas satu pas de ujian sebelum libur natal nih, de tra bisa jawab... karna terlalu sulit terpaksa pace de langsung isi di dalam lembar jawaban tuh begini... "Soal - soal ini terlalu sulit skali hanya Tuhan saja yang tahu. Selamat Natal". Setelah libur natal selesai, dosen ko bagi hasil ujian baru di pace de pu lembar jawaban ada pesan begini "Tuhan dapat 100 tapi ko dapat 0. Selamat Tahun Baru". Lanjut Trus