Ini ada tete satu tooo... De datang ke pelabuhan Jayapura untuk jemput de pu keluarga yang datang deng kapal putih ka ini... Tete ko berdiri sampe kapal masuk, tapi karena penumpang banyak jadi tete de liat-liat penumpang yang turun bae-bae... Pas lagi liat-liat begini tentara satu datang langsung berdiri di depan tete baru injak tete de pu kaki pake sepatu PDL ka ini...
Tete : Anak tentara..!!!!!
Tentara : (macam de marah ka) Ahh... ada apa nih???
Tete : Anak tentara...!!!!
Tentara : Ahh kenapa nih... Tete ko su tua tuh coba pulang istirahat ka? Baru tete ko bikin apa di pelabuhan sini???
Tete : (tete juga gugup too.. jadi mo marah juga takut) Anak tentara... coba lihat mungkin anak tentara berdiri di atas kayu kering ka...???
Tentara : (pas de lihat) Adoh... tete sa minta maaf...!!!
Tete : Iyo untung sa jadi... Coba ko injak POM dorang... ko tra dapat gigit jadi...!!!
0 Comments:
Post a Comment