Ada pace satu nih tukang mabok skali, pace klo merah tuh, de paling repot di kompleks. atu kali begini pace merah baru tra pulang-pulang sampe tiga hari. Pace pu maitua deng anak-anak su kangen skali. Begini pace ko muncul dari mata jalan trus belok ke rumah. Pace pu anak-anak senang skali sampe dong lari lompat-lompat sambut pace sampe gantung-gantung di pace pu leher.
Mama: Eh, anak-anak bapa de su datang tuh
Anak2 : Hore, bapa pulang... bapa pulang...
Bapa : Ssst... heh! anak sudah e...
Anak2 : Hore! bapa pulang, bapa meter patah...
Bapa : Beh, anak sudah... sudah... diam-diam saja, jang batariak, nanti kalo tetangga dong dengar, dong bilang tong ombong lagi...
Mama : Jiii... bapa deng anak ama su gila ka pa...!!!
0 Comments:
Post a Comment