Nene dan Tete

Mungkin karna pengaruh nonton fiLm Rano Karno dan Lidya Kandau pas jaman muda dolo jadi bikin nene deng tete lagi mo praktek kaya adegan-adegan di film ka itu di pante. Jadi satu hari begini dong dua sepakat kalo tete su hitung satu sampe tiga, dong dua lari baru batariak begini... Nene panggil tete de Rano Karno, baru tete panggil nene ko Lidya Kandau.
Su tiba di Pante... dong dua atur posisi, nene d ujung pante, tete juga di ujung pante sebelah, biar romantis ka ini.
Tete ko hitung sampe tiga, trus dong dua mulai lari...
Tete : Liiiiiiddddyyyyyaaaa Kaandaaaaau... Liiiidddyyyyyaaaaaa sayyyaaaaangggg...
Nene su lari juga, pas mo panggil begini nene de lupa mo panggil tete apa... karna su bingung jadi...
Nene : Teeeetttttteeeeeee... teeeettttttteeeee saaaayyyaaaang...
Booo tete de ganas skali.. karna talalu ganas jadi tete lempar nene deng batu, abis nene de tra konsisten jadi...