Kerja Bakti

Anak satu ini de pamalas belajar sampe de ulangan dapat nilai tra baek trus... Karna de pu kelakuan nih bikin ampe bu guru ganas dia. Jadi ibu guru de bilang : ”Ko ini pamalas belajar sama dengan ko pu bapa itu”. Anak kecil de pulang sekolah baru de lapor buat de pu bapa : ”Bapa... bu guru de bilang sa ni pamalas belajar kaya bapa ko... iyo ka?” Be anak kecil de pu laporan bikin pace tra terima jadi de langsung pegang parang menuju ke bu guru pu rumah. De toki pintu kasar-kasar tapi kaget begini bu guru pu suami yang buka pintu dengan pakaian tentara lengkap baru tanya pace dia : ”Ehhh ada apa eee !!!!!” Pace de kaget tra baek jadi de gugup baru de bilang : ”Ah trada kaka... sa mau tanya orang tua murid kerja bakti hari ini ka????”