Beli Lilin

Ada mama satu de tempo2 menuju kantor PLN, biasa to su tanggal 20 jadi su hari trakhir bayar listrik jadi banyak yang antre... Pas mama de pu giliran, dari dalam loket keluar suara merdu menyapa...
Kasir : Mama, mo bayar listrik ka?
Mama : Iyo...anak, mama mo bayar listrik sebab su tanggal 20. Kalo tra bayar, nanti kam kase putus mama pu listrik dirumah lagi.... Jadi anak, mama bayar berapakah?
Setelah periksa rekening pembayaran sebentar, dengan tempo kasir ko kase kuitansi : Bulan ini mama bayar 100.000...
Mama langsung trima kuitansi trus tra lama de kase uang buat bayar... Tapi kasir ni de kaget...
Kasir : Mama... uang yang mama bayar ini cuma 70.000 saja, masih kurang 30.000 lagi...
Mama : Ae itu su pas nona, sebab yang 30.000 itu Mama pake untuk beli lilin kalo lampu mati...