Usul Kongkrit

Dalam satu acara penyuluhan tetang HIV/AIDS di kampung-kampung, penyuluh ada menjelaskan panjang lebar tentang sebab-akibat dan bahaya kalo sampe kena virus itu. Begini ada pace satu yang datang terlambat, de masuk di tengah-tengah acara, jadi de
tra ikuti dari awal. Yang de dengar hanya ada istilah HIV/AIDS saja. Pace ko masuk dan tra lama de berdiri mo kase usul.
Petugas : Ada apa bapa? Ada yang tra jelas kah?
Pace : Tra usah putar kiri-kanan menjelaskan, sa mo usul kongkrit saja, kalo barang HIV/ADIS ini pemerintah mo kase, jang lewat pak lurah atau kades dorang kaya bantuan JPS, PPK dan Bangdes yang dulu-dulu, sa pu usul nih lebe baik, bapa-bapa dong dari pemerintah jalan bagi HIV/AIDS ini dari rumah ke rumah saja, supaya bantuan ini jang ada lagi yang gelapkan...
Petugas : @#%&$%*&