Naik ke Tembok

Suatu hari begini ada pancuri de mo pi pancuri di orang pu rumah. Tapi ne rumah yang de mo masuk ini pagar tinggi eee… Pancuri nih de pikir : Bah… ko kira sa tra bisa pancuri ka, biar ko kase tembok sa tetap bisa panjat ko pu tembok. Ko liat saja...
Lalu pancuri nih de mulai panjat tembok… Tapi pace yang pu rumah de ada liat, trus de batariak...
Yang Pu Rumah : Wooiii...!!! Mo pancuri kah...!!! Ko cepat turunnn...!!!
Pancuri nih de kaget sampe hampir jatoh, trus de lagi balik marah ke pace yang pu rumah...
Pancuri : Bapa... Coba ko pu cara tegur itu yang baek ka?! Memang sa pencuri, tapi kalo ko bateriak, sa kaget, trus sa jatuh... Siapa yang mo bayar ongkos rumah sakit? Trus sa pu anak siapa yang mo kase makan...? Sa juga belu pancuri, baru mo panjat saja ko su batariak...
Yang Pu Rumah : ????!!