Makanan Pokok

Pace satu de pulang kantor baru su lapar nih... Pas dalam perjalanan pulang de su menghayal makanan di rumah ada ikan kuah kuning, kangkung, bunga papaya tambah sambal... Boh, mace de di rumah ada masak apa eee...???
Sampe di rumah, pace ko karna su kelap skali blum ganti baju lagi pace menuju meja makan, de buka tudung makanan begini... de liat cuma nasi, dengan papeda dingin sisa dari malam, betatas sama keladi rebus...
Pace ko langsung naek darah ka ini...
Pace : Bah... mace, trada makanan lain ka??!!
Mace : Pace... apa yang ada tu makan saja, tra usah terlalu komentar banyak, slama ini kan ko cuma kase sa gaji pokok... jadi ko makan makanan pokok di meja itu sudah.../span>