Generasi

Ada anak satu ni de pu nama Yakobus. Satu kali begini, de pu bu guru tanya dia.
Bu Guru : Yakobus... sekarang ko tolong jelaskan apa artinya generasi??
Yakobus ko su babigung, jadi de cuma garuk-garuk kepala saja. Karena ibu ko tunggu talalu lama langsung ibu ko bilang sama Yakobus...
Bu Guru : Yakobus... itu jadi PR buat ko...
Jadi pas Yakobus de pulang begini de tanya sama de pu mama. Tapi de pu mama juga tratau.
Mace : Yakobus... ko tanya sama ko pu tete sudah mungkin ko pu tete de yang tau ka pa...
Tapi sama saja, tete juga tratau apa itu generasi jadi tete suruh Yakobus pi tanya de pu bapa.
Yakobus : Bapa... kira-kira generasi itu apa ka??
Pace : Anak... generasi itu saja mo... ko pikir sampe... Generasi tuh sama dengan generator. Cuma de lebih kecil lagi dari generator...