Cita - Cita

Satu kali anak-anak dong pelajaran matematika, trus ibu guru ajar dong berhitung 1 sampe 100. Boh... anak-anak dong pu semangat saja. Tapi karena hitung sama-sama jadi dong pu rame saja, semua batariak satuuuuuuu,duaaaaaaa tapi anak kaskado satu ini de cuma batariak sembarang saja. Tapi bu guru su spay dia...
Bu Guru : Eh... Anes jang ko batariak saja, ko bisa hitung sampe 100 ka trada...???
Anak ini lagi de kapala batu jadi de bikin malas tau...
Anes : Ae... bu guru sa cuma bisa hitung sampe sepuluh saja...
Bu Guru : Anes ko pu malas-malas belajar begini yang nanti ko besarmo jadi apa...???
Anes : Sa mo jadi wasit tinju to...