Baca

Satu hari begini di sekolah ni anak-anak dong ada belajar membaca ka ini. Trus ada anak satu ni de tra tau baca. De pu nama Musa, de su tau tra bisa baca baru stan duduk di belakang lagi. Begini bu guru suruh anak-anak maju satu-satu untuk baca di papan tulis. Musa tunggu de pu giliran sampe de keringat dingin eee... Pas Musa de pu giliran untuk baca de langsung maju karena de sudah hafal dari tadi de punya teman-teman dong baca. Musa ko laju dari belakang ke depan (bikin diri macam tau baca to). De mulai pegang mistar dan mulai baca begini...
Musa : (baca tempo-tempo takut lupa to) Budi makan nasi Iwan minum air...
Bu Guru : Musa ko baca plan-plan saja supaya ibu dengar...
Musa : (masih tempo) Budi makan nasi Iwan minum air
Bu Guru : Musa ko tra bisa baca plan-plan saja ka..? Musa co ko baca tu pake titik dan koma ka....
Musa : (masih baca tempo-tempo juga) Budi makan titik Iwan minum koma...
Bu Guru : ??!!!