Pintar Lewat Einstein

Hari minggu nih ada pendeta satu de khotbah di gereja. De khotbah tuh sampe hampir 2 jam! Pas selesai ibadah, pace de berdiri di depan pintu gereja buat pegang tangan deng jemaat... Begini ada jemaat satu de pegang tangan deng pendeta baru de bilang...
Jemaat : Bapa..., hari ini bapa pintar sekali... macam terlalu pintar sampe lewat dari Einstein ka...
Pendeta dengar kata itu langsung de semangat eee... sampe pulang tuh de tinggal ingat-ingat pujian spanggal itu. Tapi pace pendeta nih masih penasaran kenapa sampe de pu jemaat bisa bilang de pintar begitu, jadi minggu berikutnya pas selesai ibadah, pace pendeta jalan cari de pu jemaat yang bilang de pintar minggu lalu...
Pendeta : Sodara, kenapa minggu lalu ko bilang sa pintar lewat Einstein?
Jemaat : Iiyo... itu memang kenyataan moo bapa...
Pendeta : Iyo tapi alasannya apa ka?
Jemaat : Begini bapa, Einstein itu karna talalu pintar, de pu teori yang de keluarkan itu hanya 10 orang di muka bumi ini yang bisa mengerti!! Tapi bapa nih su terlalu pintar lewat Einstein sampe trada satu orang pun di muka bumi ini yang bisa mengerti bapa pu teori...
Pendeta : !!!????