Hukuman

Di sekolah begini anak kecil satu de tanya sama bu guru...
Anak : Bu guru sa mo tanya boleh ka?
Bu Guru : Iyo boleh... ko mo tanya apa ka?
Anak : Begini nih bu guru, sa mo tanya... kitong ini bisa dapat hukum untuk satu barang yang belum tong bikin ka?
Bu Guru : Oh tra bisa... tong tuh dapat hukum kalo tong bikin salah dari apa yang sudah tong perbuat...
Anak : Oh begitu...
Bu Guru : Memang kenapa jadi ko tanya begitu?
Anak : Ah trada bu guru... sa tanya abis sa blum bikin PR jadi...
Bu Guru : Hah!!!???