Siaran Langsung

Satu pagi begini anak-anak TK dong pi ke RRI untuk isi siaran langsung acara menyanyi.... Anak-anak dong senang skali... tapi ada satu yang muka macam malas... tra semangat skali... de pu nama Pier. De duduk di pojok baru macam gelisah begitu... Bu guru liat Pier nih kenapa de diam-diam begitu padahal bisa tuh de yang paling baribut skali... Jadi bu guru panggil dia buat menyanyi di depan...
Bu Guru : Anak-anak di studio dan bapa ibu pendengar di rumah, kali ini kita panggil teman atau anak kita Pier untuk membawakan sebuah lagu...
Pier ko langsung maju ke depan. Tapi macam masih gelisah ka ini... Trus ibu guru tanya lagi...
Bu Guru : Pier mo nyanyi lagu apa untuk mama dan bapa di rumah???
Pier ko merapat ke microfon baru de bilang deng suara besar...
Pier : Sa mo berak bu guru!!!
Boh... bu guru kaget tra baik abis ini acara siaran langsung to...