Sabu - Sabu

Ada nene satu de dari Biak mau berangkat deng pesawat ke Jakarta, karena de takut di sana trada pinang jadi de bawa pinang, kapur sama sirih di dalam de pu tas berangkat. Pas su sampe di bandara Jakarta begini polisi dong tahan nene tu karna dong curiga nene bawa sabu-sabu ka ini...
Polisi : Ibu maaf kami akan periksa tas ibu...
Nene : Oh trapapa kam priksa sudah...
Polisi : Maaf ibu apa ini?? Sabu-sabu ya?
Nene : Oh anak itu kapur sirih...
Tapi polisi nih tra percaya jadi de rasa kapur tuh pake lidah baru de rasa lidah tabakar jadi de batariak...
Polisi : Panas... panas...
Nene : Ah trada... itu baru kam tau sabu-sabu Biak pu karas itu to...