Nene Ngidam Kelapa Muda

Satu malam nih ada nene satu de mati makan kelapa muda eee… dia rasa kepingin makan Nene : Tete… sa mati makan kelapa muda eee… ko bias cari dolo ka?
Tete : Bah gampang itu nene, tapi tong trada uang buat beli kelapa muda nih…
Nene : Ae… sudah tete... ko pi pancuri saja di tetangga pu kebun…
Akhirnya dong dua pi ke kebun, trus tete de mulai panjat pohon kelapa...
Tete : Nene? ko hitung eee…
Nene : Tete, ko kase jatuh tiga buah saja eee
Tete : Iyo nene... ini ko hitung saja.. tiga buah saja to?
Sudah tete de mulai kasi jatuh ....ssssrekkkkk....bukk!!
Nene : Satu...
Tete petik lagi yang kedua...ssssrekkk.... bukk!!
Nene : Dua!! Tete? Su dua ini..ko kase turun satu lagi eee
Lama begini trada suara, tiba-tiba ada suara...sssreekk..... bukk!! bukk!!
Nene : Tete? Sa su bilang tadi kase turun tiga buah saja... kenapa sa dengar bunyi dua kali ni...?
Tete : Ado nene... bunyi yang ke-empat itu sa!! (tete jalan loyo-loyo ke nene sambil pegang de pu pinggang)