Sambutan Pak RT

Ini di kampung ada tete satu yang sakit sampai de meninggal, trus dong sembayang untuk antar ke kuburan, setelah sampai di kuburan, sembayang lagi trus sebelum mayat nih dong kase turun, dong kase kesempatan untuk pak RT berikan sambutan. Pak RT de pu sambutan begini : ”Bapa-bapa dan ibu-ibu sidang perkabungan yang sa hormati, anak-anak yang sa kasihi... tete yang meninggal ini kitong sebut de dengan almarhum, nanti kalau nene yang meninggal kita sebut dengan almarhumah...”. Begini anak-anak muda dong tanya pak RT begini : ”Pace kalau tete de pu cucu-cucu yang meninggal kitong sebut bagemana?”. Pak RT juga tra tau jadi de pikir lama skali... trus dari pada de malu jadi de jawab begini : ”Oh... kalo cucu-cucu itu kitong sebut deng almunium...”