Kapten Keseblasan

Anak-anak kecil 4 orang nih dong pi pancuri mangga di pace Yakob pu rumah. Dong curi tapi macam baribut jadi pace keluar deng senter baru pegang sapu lidi lagi. Pace ko liat anak-anak dong ada diatas pohon jadi pace ko suru dong smua turun.
Pace : He... anak kecil kurang ajar nih... sapa suru kam pancuri sa pu mangga eee...? (pace su siap cigi dong pake sapu lidi ka ini)
Pas dong turun, pace mulai tanya dong satu-satu...
Pace : Ko pu bapa kerja dimana?
Anak1 : Sa bapa petani (sudah anak ko dapat cigi deng sapu dari tulang blakang)
Pace : Ko pu bapa kerja dimana?
Anak2 : Sa bapa nelayan (anak ko dapat cigi deng sapu dari tulang blakang)
Pace : Ko pu bapa kerja dimana?
Anak3 : Sa pu bapa tra kerja (pace cigi anak ko deng sapu sampe badan malas)
Pace : Ko pu bapa kerja dimana?
Anak4 : Siap...!! sa pu bapa kapten
Pace : (pace langsung gugup, dingin-dingin sambarang ka ini) Iyo sudah... ko tra dapat pukul abis ko bapa kapten jadi... Tapi ko pu bapa kapten apa? Angakatan laut ka udara ka darat ka polisi?
Anak4 : Ah... trada om. sa pu bapa kapten keseblasan... (trus anak ko lari sudah mo..)
Pace : Setan nih ko tipu sa eee....!!!!