Bos Pu Jas Tabakar

Obet nih de kerja di pace satu pu rumah... Suatu siang, de telepon de pu bos di kantor.
Obet: Halo bos ka, ini sa Obed
Bos : Oh, Obed, ada apa ko telepon?
Obet: Ah trada bos, sa cuma mo lapor skalian minta maaf, waktu sa setrika tadi, bos pu jas tabakar...
Bos : Oh trapapa Obet, biar sudah... nanti sa beli yang baru saja...
Obet: Bos baik sekali, trima kase...
Bos : Halo Obet, macam ramai sekali deng suara-suara di sebelah, ko ada dimanakah? ini ko telepon darimana?
Obet: Sa di wartel bos...
Bos : Bah kenapa tra telepon dari rumah saja baru?
Obet: Adoh trabisa bos, masalahnya rumah juga ikut terbakar deng bos pu jas yang tadi saya lapor itu...
Bos : Haaa????