Pace Jual Daging

Pace Markus ko ada sakit kepala, jadi siang itu pace ko lagi tidur di kamar. Tra lama begini, ada tukang jual daging lewat. De teriak kuat-kuat. “Daginggggg sapiii!! Daginggg Sapiiiii!” Makin ke dekat pace Markus pu rumah, suara makin kuat. “Daginggg sapiii!” Pace Markus de emosi, de tra tahan deng penjual daging pu suara yang bikin de pu kepala tambah pusing. Pace kase keluar kapala dari jendela trus batariak ke penjual daging : “Hehhh... tra bisa suara pelan ka??? Ko pu otakkkk ka tidak???"
Penjual daging de langsung sambung : ”Aduhh, maaf pak, otak sapinya sudah habis, yang ada tinggal daging dan hati sapi aja, bapa mo brapa kilo? “ Pace yang su kapala sakit tambah emosi langsung kase keluar tangan yang pace kepal, “Ko mau ini ka???”
Penjual daging langsung lari sudah mo...!!