Dokter Hewan

Ada pace satu to... dia pu anak perem satu baru besar ka ini... tapi anak nih juga kaliabu jadi tinggal piket malam trus ka ini... satu kali begini malaria pegang jadi pace bawa dia ke rumah sakit... pace dorang dua jalan dari dokter umum tp penuh, ke dokter anak penuh juga, dokter mata juga penuh, apalagi dokter THT dan penyakit dalam... dorang dua putar ke belakang begini ada dokter satu kosong [trada pasien ka ini...] jd pace ko bawa anak perem nih masuk...
Pace : anak dokter, adoh... bisa tolong bapa?
Dokter : bagemana bapa?
Pace : adoh, anak perempuan nih sakit sampe tra bisa nih... tinggal muntah trus, baru panas tinggi skali...
Dokter : adoh bapa... sa ini dokter hewan jadi sa tra bisa tolong ade dia....
Pace : ah... trapapa anak, suntik saja!!! ade nih juga KUPU-KUPU MALAM jadi.....
Dokter : hajar ah....