Kali-Kali

Ada anak SD satu, de datang dari kampung di pegunungan Jayawijaya. De datang ke Jayapura buat sekolah ka ini... Anak ini pu nama Otis. Begini pas pelajaran Matematika, bu guru tanya de...
Bu Guru : Otis, 4x4 berapa ?
Otis : (sunyi trada suara... abis tartau jadi)
Bu Guru : Kalo 2x2 berapa?
Otis : (masih tetap diam saja)
Bu Guru : Bah ko ini bagemana,.. ya sudah kalau 3x3 berapa? ko jawab kah...
Otis : Satu bu guru...
Bu Guru : Salah !!!
Otis : Aah bu guru ini... kalau ibu tanya kali-kali yang mengalir di sa pu kampung, sa tau... mulai dari kali diatas gunung sampe kali yang ada di hutan smua sa tau. Tapi kalo ibu tanya kali-kali yang di kota, sa belum hafal... Jadi ibu tunggu sa hapal dulu eee...
Bu Guru : (bingung mo bicara apa lagi)